☆ملکان شهرخوشه های طلائی☆
دوشنبه پانزدهم اسفند 1390 :: 3:42 بعد از ظهر ::  نويسنده : امین
بیر اوشاغام آنام سن سن

خسته اولسام داوام سن سن

آغاج اولسام هاوام سن سن

اورک ائویم سن سیز تالان

آنا یوردوم آذربایجان

جیران اولسام سن داغیمسان

بولبول اولسام سن باغیمسان

سونبول اولسام تورپاغیمسان

سرین سولار سندن آخان

آنا یوردوم آذربایجان

آغ بولوتلار یورقانیندی

مرد اوغوللار قوربانیندی

یول گورسدن قورآنیندی

دوشمن لری درده سالان

آنا یوردوم آذربایجان

من آرازام سن خزرسن

آغیزلاردا چوخ گزرسن

هر آفتدن برحذر سن

قار یاغیشلار سنه یاغان

آنا یوردوم آذربایجان

قول قانادیم هوسیم سن

یورولمیان نفسیم سن

من اوریم قفسیم سن

منه دایاخ کمک دوران

آنا یوردوم آذربایجان

من قوش اولسام سن پریم سن

زرگر اولسام سن زریم سن

عاشق اولسام دیلبریم سن

عاشیق لری سان سیز اولان

آنا یوردوم آذربایجان

گوزللرین گوزلی سن

دادلی دوزلی مزه لی سن

شاعرین شعری غزلی سن

آدین سنین دیلده قالان

آنا یوردوم آذربایجان...

پيوندها


 
 
تمامی حقوق این وبلاگ محفوظ است |طراحی : پیچک
 
  • دانلود فیلم
  • دانلود نرم افزار
  • قالب وبلاگ